Стојанче Ангелов откако беше набркан од кафе бар во Тетово продолжи со своите објаснувања и верзии за настанот, иако лицето кое го избрка и го натера да го напушти кафулето ја потврди случката во преписката на социјалните мрежи.
„Кршачот на ќерамиди“ сега влезе во преписка со извесно лице на Твитер, но речникот и зборовите и не се баш одбрани, напротив вулгарни.
„Има една Албанка сенката ми ја скина со твитови против мене. Ако некој го знае нејзиниот вистински идентитет нека и пренесе дека јас сум голем космополит, ги сакам сите луѓе вклучувајки ја и неа, никого не мразам и не сум воопшто насилен освен кога во прашање се… ќерамидите, пишува на Твитер генералот Стојанче Ангелов.
Откако посочениот профил му одговари, генералот кој пред неколку дена беше набркан од братучед на Хазби Лика од кафуле во Тетово испрати уште една чудна јавна порака.
„Не знам дали си машко или женско но ти си едно обично пи.е кое се крие зад лажен идентитет и изнесува лажни факти. Но јас сепак те сакам. :)”, напиша генералот Ангелов во непристојниот твит.
