Според рускиот министер за надворешни работи, Сергеј Лавров, само сириските владини сили треба да бидат распоредени на јужните граници на таа земја.
Лавров рече дека се надева оти извештаите за повлекување на американските трупи од сириската база Танф ќе бидат точни.
“Од воена гледна точка, нивното воено присуство е сосема бесмислено”, рече шефот на руската дипломатија.
Тој истакна дека руската страна им укажа на САД дека ситуацијата на теренот не е во согласност со договорот за тоа како да се организира де-ескалираната зона во јужна Сирија.
Лавров изјави дека почетен договор за основање на зона на деескалација во југозападниот дел на Сирија претпоставува повлекување “во еден момент” на сите странски сили од регионот, велејќи дека тоа треба да биде “реципрочно”.
“Се разбира, сите несириски сили треба да се повлечат врз основа на реципроцитет, ова треба да биде двонасочен процес. Резултатот од ваквите активности треба да создаде ситуација во која само сириските вооружени сили се распоредени на сириската страна на границата со Израел “, рече Лавров.
