- Advertisement -
- Advertisement -
Поранешниот потпретседател на Соединетите Американски Држави Џо Бајден денеска обелодени дека ќе влезе во трката за претседател на државата, за што прво треба да ја добие поддршката во својата Демократска партија.
Тој ова го објави преку видео пост на својот профил на социјалната мрежа Твитер. Со ова Бајден станува засега најистакнатото име од редовите на демократите кое ќе се обиде да влезе во трката за претседателските избори кои ќе се одржат во 2020 година. Ова ќе биде трет негов обид да биде кандидат за претседател. Досега имаше два неyспешни обиди да ја добие номинацијата на демократите во 1998 и 2008 година. Ако победи Бајден ќе биде најстариот претседател во историјата на Соединетите Американски Држави. Тој е роден 1942 година.
