Руски инспектори, во соработка со локалната полиција, уапсија човек осомничен за убиството на биологот Александар Кагански (45), кој работел на развој на вакцина против вирусот корона, објави „Дејли меил“.
Како што беше објавено во Главниот оддел за истраги на Санкт Петербург во неделата, „во Санкт Петербург беше приведен локален жител (45) осомничен за убиство“, јави ТАСС. Дејли меил додава дека Кагански бил избоден и фрлен од 14-ти кат на зградата.
„Истражните органи во Санкт Петербург отворија кривична постапка врз основа на кривичното дело од член 1 на член 105 од Кривичниот законик на Руската Федерација (убиство)“, се вели во соопштението на Министерството.
Александар Кагански е еден од најпознатите специјалисти во областа на епигенетиката во Русија и светот. Епигенетиката е гранка на молекуларната биологија која го проучува влијанието на надворешните фактори врз генетската активност, пренесува Танјуг
