Најмалку 20 деца загинаа во пожар во училиште во Нигер, пренесува „Мирор“, повикувајќи се на непотврдени извештаи на социјалните мрежи.
Инцидентот се случил денеска во градот Маради.
На фотографиите од местото на настанот се гледаат возрасни и деца на местото на пожарот, а се крева густ чад. Непотврдени извори на социјалните мрежи соопштија дека пожарот се случил во градинката.
Причината за пожарот засега не е позната. Наводната трагедија се случила само неколку месеци откако во пожар во друго училиште во главниот град Ниамеј загинаа 20 деца.
„Мирор“ наведува дека учениците биле на настава во моментот кога избувнал пожарот, кој директорот на училиштето го опишал како „катастрофа“. По трагедијата, Националното здружение на наставници од Нигер во соопштение повика да се прекине наставата на часовите во колиби од слама.
Човек кој потоа го загуби својот 6-годишен син во пожар ја повика владата да изгради безбедни училишта, објави Блиц.
„Да не ставаме се во рацете на Бога, да не ставаме се во рацете на државата, за дел од секунда изгубивме 20 деца, мора да ја повикаме државата да каже дека наставата во колибите повеќе не треба да се одржува никаде во земјата“, рече очајниот татко.
#Niger : plusieurs élèves calcinés dans un incendie de classes en paillote à #Maradi
Au moins une vingtaine de jeunes écoliers ont trouvé la mort, ce lundi 08 novembre 2021, dans une école à Maradi, à la suite d’un incendie ayant ravagé des classes en paillote. Nos condoléances pic.twitter.com/Ruaeqkhd25— Ahmadou Atafa (@AhmadouAtafa) November 8, 2021
