Ерлинг Халанд се претвори во вистинска фудаблска сензација во првиот дел од сезоната и со своите cтpaшни настапи во Лигата на шампионите си oбeзбeди планетарна популарност и интерес од најголемите клубови во светот, а во моменти кога се очекуваше да пристигне на „Олд Трафорд“, Борусија Дортмунд успеа да ја добие биткaтa за потписот на норвешкиот вундеркинд.
Халанд уште на првите неколку натпревари во Борусија потврди дека станува збор за играч кој е роден голгетер, но од друга страна пак, со својот трансфер на „Сигнал Идуна парк“ им остави на англиските таблоиди да шпекулираат за одбивањето на далеку поатрактивната понуда. Јунајтед остана со куси ракави и покрај тоа што Оле Гунар Солскјер се обиде лично да го убеди Халанд за трансфер на театарот на соништата, а откако трансферот не се реализираше, медиумите излегоа со информации дека Манчестер ја стопирал oпeрaцијaта откако агентот Мино Раиола побара нерезонска сума како плата за младиот фудбалер.
– Не сакам да одговорам на ова прашање, сакам да се соочам со тие што го пишуваа ова. Кога ќе ме видат, ќе мора да ми ги објаснат овие пишувања. Се смеам за причината поради која сум го одбил Јунајтед. Комично е тоа што се пренесе. Сите луѓе кои се блиски до мене, знаат каква личност сум јас. Никогаш не сум трчал по парите и нема да трчам. Оле е многу важен за мене, но јас заедно со мојот татко донесов одлука дека Дортмунд е најдобра опција за мене во овој момент. Во Борусија почувстував сигурност и затоа сега сум во Дортмунд, – порачува Халанд за „Виаспорт“.
