Екипажот на рибарскиот брод Мариан II од 140 метри длабочина повлекле нешто што им ги искинало мрежите.
Меѓу островите Млет и Свети Андија во Хрватска, рибари со мрежа извлекоа необичен уред. Пловката на која има ланци и тегови, има електронска опрема, но нема натписи и јасен идентитет на припадност на некое пловило, институција или држава, пишува порталот „Морски.хр“
Екипажот на рибарскиот брод Мариан II од 140 метри длабочина повлекле нешто што им ги искинало мрежите.
– Цела зима работиме тука и никогаш не сме уловиле вакво нешто – велат тие, појаснувајќи дека е очигледно оти уредот не бил долго време во морето.
Како што пренесува „Индекс“, кутијата нема ознаки, има портокалова боја и тешка е околу 100-тина килограми.
– Ми личи на уред за мерење, кој има тег за да потоне на дното и електрична кука за се се врати на површината, за да можат да се извадат податоците од него – објаснуваат рибарите, и додаваат дека ги интересира кој го пуштил уредот во морето, за да може да им ја исплати штетата од 20.000 куни (165,343 денари) поради искинатите мрежи.
Според „Морски.хр“, пред извесно време во тој реон поминувал американски брод, а според експертите кои ги консултирале, изгледа дека станува збор за некаков мерен инструмент.
Во меѓувреме, „Морски.хр“ објавија документ кој открива дека навистина станува збор за уред на НАСА, но и дека се уште не е јасно што барал во Јадранското Море, во близина на хрватскиот брег.
Луѓето од американскиот брод го побарале уредот од рибарите, но тие се децидни дека ќе го вратат само ако им се надомести штетата за искинатите мрежи.
