Познатата новинарка Јорданка Ивановска-Јоци, на социјалните мрежи реагираше на изјавата на Томислав Тунтев во Собранието во која пратеникот од Охрид рече: ,,Некој мора да поведе. Ако не беше Петре Пирузе да поведе во Дебрца во 1944, којзнае што ќе се случеше”.
Јоци одговара на тоа со: „А, СДСМ, од петни жили бараше преименуваната улица ,,Петре Пирузе” да се поништи и да се врати ,,Мексичка”.
Не знаат каде тераат.
Неконзистентни до гастрит. Море до чир на 12-палачно црево“, пишува на Фејсбук.
Исто така го искоментира и говорот на премиерот Зоран Заев во Собранието, поточно делот во кој Заев нуди амнестија за настаните од 27 април во замена за глас за договорот во Грција.
„За греота. О Ч А Ј !! Со месеци обвинуваше дека опозицијата му бара амнестија за 27 април, удави со тоа на 432 прес конференции, а сега сам јавно си понуди. Поточно си ги откри намерите. Дека е подготвен на пратениците вмровци да им понуди закон, ако му се приклонат и гласаат за уставни измени. За два дена и на Груевски ќе му понуди, како тргнал. Море на сите, само да нема избори“, пишува Јоци на Фејсбук.
