На денешен ден во 2009 година, се случи едно од најчудните принудно слетување на авион во историјата на авијацијата. Патнички авион слета во реката Хадсон во Њујорк, и притоа не загина никој од патниците.
Авионот на „УС Ервејс“ со 155 патници и членови на екипажот полета од Њујорк кон Шарлот, со крајна дестинација во Сиетл. Меѓутоа само што полета, авионот од типот „Ербас А-320“ налета на јато на гуски кои направија штета на моторите.
Пилотот добива дозвола за слетување на алтернативни аеродроми, како и враќање на главниот во Њујорк, но проценува дека авионот нема да стигне до таму и се решава да го слета во реката Хадсон.
Тоа пилотите Чесли Саленберг и Џефри Скајлес го прават успешно, и веднаш ги евакуираат сите патници, при што тие последни го напуштаат авионот. Сите патници се наредија на крилата, а веднаш на помош пристигнаа и околните бродови кои ги евакураа патниците. Сето тоа беше пренесувано во живо на телевизиите низ САД.
Исходот беше само 95 лесни повреди и пет тешки повреди од типот на скршеници, но сите ја преживеаја несреќата.
Почнува истрага во која пилотот и копилотот се обвинети дека можеле да слетаат безбедно на некој од околните аеродроми, но потоа сето тоа го докажуваат дека не било можно, по што и пилотот Чесли Саленберг и копилотот Џефри Скајлес се ослободени од обвиниенијата.
Тие добиваат ордени од страна на тогашниот претседател Барак Обама за нивниот подвиг.