Во Србија досега се вакцинирани околу 4.000 странци, што е помалку од еден отсто од вкупниот број на граѓани, 481.974 кои ја примиле вакцината, дознава Блиц.рс.
Факт е дека на е-управата на која се пријавуваат за вакцинација граѓаните на Србија, од првиот ден постојат уште две отворени опции – странски државјани со престој во Србија и странски државјани без престој во Србија.
За Блиц.рс извори од Владата наведуваат дека на странските државјани не им се наплаќа вакцината.
Србија го привлече светското внимание бидејќи е прва во Европа по бројот на вакцинирани лица на 100 жители во последната недела, додека трето место е според бројот на вакцинирани во светот. Според овие податоци пред Србија се само Израел и Обединетите Арапски Емирати.
Според достапниот прашалник на е-управата, и странците можат да искажат интерес и да бираат меѓу вакцините на Фајзер/Бионтек, Модерна, Спутник V, Астразенека/Оксфорд и Синофарм.
Според наводите објавени во црногорските медиуми, вакцинацијата во Србија е по „комерцијална цена и една доза чини околу 70 евра“. Тамошните медиуми не наведоа додатни информации ниту разјасниле како се спроведува „комерцијална вакцинација против ковид во Србија“.
Извор: Блиц.рс
