Како изгледа правилно чистење и дезинфекција на внатрешноста на автомобилот (ВИДЕО)
Пандемијата на коронавирусот натера многумина сериозно да размислуваат за хигиената и чистењето на нивниот простор за живеење. Внатрешноста на автомобилот не е исклучок.
Веќе претходно знаеме дека воланот е четири пати позагаден од седиштето на школка во јавен тоалет, а студиите покажаа дека рачката на резервоарот е една од најнечистите површини – 12.000 пати позагадена од тоалетското седиште.
Сепак, сега заедничката тема е коронавирусот и прашање е како можеме да го дезинфицираме ентериерот на автомобилот. Класичните хемикалии генерално не поминуваат овде, освен ако не сме подготвени да ја уништиме површината на одделните делови на кабината, како што се навлаките на седиштата. Исто така, со бришење на пластиката, ризикувате трајно да ја оштетите бојата со појава на бројни дамки и обезбојување.
Лери Косила од „Аммо Њујорк“, специјалист за детали за автомобили, реши да сподели со јавноста неколку трикови за брзо и ефикасно чистење на најнечистите површини во автомобилот. Логично, најважната работа е да се исчистат површините со кои најчесто сме во допир, како воланот и рачката на менувачот ,рачките на вратите, копчињата и ремените.
По класичното чистење со специјализирани агенси, препорачливо е да се користат средства за дезинфекција, но со прво тестирање на помали површини.
