Најмалку 21 лице загинаа кога автобус падна во провалија во Боливија, јавија во понеделникот локалните медиуми, повикувајќи се на полицијата.
Уште 12 лица се повредени во несреќата што се случила на патот што минува низ областа Морочата во одделот Кочабамба, јави весникот Ел Дебер.
Преживеаните со неколку амбулантни возила биле пренесени во областа Винто, соопшти полицијата на местото на настанот.
– Успеавме да изброиме 21 загинат, од кои три се деца, рече локален полицаец.
Сериозни сообраќајни несреќи се вообичаени на тесните, понекогаш и неасфалтирани планински патишта во земјата на Андите.
Во март, автобус се урна меѓу Санта Круз де ла Сиера и Кочабамба, при што загинаа најмалку 20 луѓе.
Во јули, автобус падна повеќе од 100 метри во близина на Чатакила, при што загинаа најмалку 34 лица.
