Лидерот на екстремистите во Дагестан, кој ѝсе заколна на верност на Исламска држава и кој беше поврзуван со терористичките напади во Волгоград, е убиен, соопшти руската ФСБ.
„Рустам Могамедович Асилдеров (абу Мухамед), роден во 1981, лидер на таканаречениот кавкасти вилает на терористичката група Исламска држава, беше еден од петмината екстремисти кои се елиминирани“, истакна Федералната служба за безбедност во своето соопштение.
Него, како што наведува Раша тудеј, лидерот на ИСИС Абу Бакр ал Багдади го именуваше за „емир на Дагестан“.
Терористичката ќелија била неутрализирана во близина на градот Макачкала, престолнината на руската република Дагестан. Антитерористичката операција почнала на 26 ноември во три области на севернокавкаската република Дагестан.
