Жена предизвикала инцидент при гласањето во Бугарија, откако место да го пушти гласачкото ливче во кутијата, го изела.
Инцидентот се случил во Софија, а причината, како што беше објавено, е што жената погрешила при заокружувањето и сакала уште едно избирачко ливче за повторно да гласа. Откако не и било дозволено, одбила да го врати погрешеното ливче. Членовите на избирачката комисија ја задржале додека да пристигне полицијата. Кога пристигнале полицискиет службеници, жената го проголтала избирачкото ливче.
Во изборачкиот список, членовите на изборната комисија место потписот на жената, ставиле забелешка дека ливчето е изедено, за да го оправдаат несовпаѓањето на избирачките ливчиња во кутиите со бројот наизбирачки ливчиња доставени на избирачкото место.
