Лидерот на ВМРО-ДПМНЕ, Никола Груевски во гостувањето во „Отворено студио“ на ТВ Нова кажа дека странски и домашни фактори минатиов период граделе мислење деке ВМРО-ДПМНЕ е непријател на Албанците, дека сакале зло да им направат, дека водиме нешто против нив, нешто што според зборовите на Груевски не било со факти поткрепено.
-ВМРО и јас лично како претседател на таа партија и претседател на Владата, донесовме куп инвеститори во западна Македонија, исто како и во источниот регион. Луѓе Албанци кои беа без работа, се вработија. Градевме патишта, водоводи во источна, се градеше и во западна Македонија. Гласовите кои СДСМ ги доби, се добиени на пропаганда, на оцрнување на ВМРО-ДПМНЕ. Албанците допвра ќе го доживеат Зоран Заев кој е и што е, Македонците го знаат и неслучајно после 11 години на власт на ВМРО-ДПМНЕ, после долго време торпедирање на партијата, го дадоа убедливото мнозинство гласови на ВМРО-ДПМНЕ. Албанците одлучија на свој грб да го искусат Зоран Заев и му ја дадоа довербата со поголем гласови. Ќе дојде време и ќе видиме што ќе добијат, дали ќе им го подобри ако на некоја табла во Штип ќе им го подобри животот или ВМРО-ДПМНЕ што воведе субвенции кои пред тоа ги немаше, изјави Груевски
Тој ги спомена и другите работи кои ги добија сите граѓани, како Македонци, така и Албанци, како што се градбата на патишта, водоводи, повисока социјална помош, повисоки пензии и плати.
