Движењето за реформи ДПА на Централно претседателство вечерва одлучи да биде дел од новата влада на мандатарот Заев. Како движење на ДПА им следува едно министерско место, а како Алијанса за Албанците имаат две ресорни министерства од кои другото е за локална самоуправа, изјави вечерва на прес конференција во Тетово, Зијадин Села.
– Движењето за реформи на ДПА имаше централно претседателство на кое одлучивме да бидеме дел од владата, а не само да и дадеме поддршка. Како АА имаме две ресорни министерства. Нам како ДР-ДПА ни следува едно министерство и тоа ќе биде за здравство, со кое ќе раководи Арбен Таравари. Второто, за локална самоуправа ќе го добијат НДП, кои ќе треба да информираат за името – рече Села.
Партијата на Села ќе го земе министерството за здравство, каде за министер го предложија партискиот секретар Арбен Таравари.
Села додаде и дека тој е гарант за тоа дека на 15 Октомври ќе има локални избори.