По највата дека Владата ќе формира ново Министерство за политички систем и односи меѓу заедниците, истакнатиот член на СДСМ, поранешната пратеничка, поранешниот потпретседател на социјалдемократите, Ана Павловска Данева со критика.
Смета дека е доста со бројот на министерствата. Таа на Фејсбук напиша-
„На македонската државна управа и е потребно намалување на бројот на министерства и министри, а не создавање нови!
Министерство за политички систем- предлог за шеснаесетто министерство во државава! Тажно,“ напиша на Фејсбук, Ана Павловска Данева.
Владата ќе формира ново Министерство за политички систем и односи меѓу заедниците. Формирањето на новото Министерство веќе е ставено на дневен ред на собраниската седница на 14 март, а на комисиска расправа можно е да се најде во среда.
Законот е предлог на пратениците Артан Груби, Џеват Адеми и Ејуп Алими од ДУИ, Зеќир Рамчиловиќ од осумката на ВМРО-ДПМНЕ, Панчо Минов кој излезез од опозициската пратеничка група и Јован Митрески од СДСМ.
Се бараат промени во два закона – Законот за Владата и Законот за организација и работа на органите на државната управа. Во образложението на предлогот пишува дека ќе бидат потребни дополнителни финансиски средства, но не се наведува колку.
