БАЕРН САКА ДА ГО ВРАТИ ДАГЛАС КОСТА НА АЛИЈАНЦ АРЕНА: Денеска официјално го потврди ангажманот на Алваро Одриозола од Реал Мадрид

- Advertisement -

Бундеслигашот Баерн Минхен денеска официјално го потврди ангажманот на Алваро Одриозола од Реал Мадрид, но составот од „Алијанц Арена“ не планира тука да застане и сака да го врати во своите редови Даглас Коста.

Според „Билд“, актуелниот германски шампион сака да ја искористи ситуацијата со Бразилецот кој не игре редовно во Јувентус и да го доведе на позајмица до крајот на сезоната. Тренерот Ханси Флик наводно се консултирал со најзначајните, највлијателните играчи во тимот Мануел Нојер, Роберт Левандовски, Томас Милер и Џошуа Кимих кои исто дале залено светло, поддршка за оваа идеја.

Останува да видиме дали Јуве ќе се согласи да го пушти брзоногиот Бразилец во Баерн, клуб за кој настапуваше од 2015 до 2017 година.