Колумбиската нарко-мафијашка организација „Clan del Golfo“, чиј лидер Отонел беше фатен на крајот на октомври, за сојузник ја има балканската мафија, како една од нејзините пет главни меѓународни врски, соопшти колумбиската полиција.
„Оваа криминална организација има пет главни сојузи за шверц на кокаин на различни географски широчини: во Мексико, во картелите Халиско Нуева Генерација и Синалоа, во Европа калабриската и сицилијанската мафијашка и мрежа за трговија со дрога на Балканот“, објави РТЦГ од документ на колумбиската полиција, што на денешната прес-конференција го прочита шефот на колумбиската полиција, генерал Хорхе Луис Варгас.
Варгас објасни дека дрогата била фрлана од Колумбија и Централна Америка во бродските контејнери, кои потоа биле префрлени во Холандија и Шпанија, а од таму по копно на Балканот.
Водачот на „Клана дел Голфо“, Дарио Усуга, познат како Отониел, беше фатен на 24 октомври во регионот на северозападот на земјата и наскоро треба да биде екстрадиран во САД.
Отонел важи за еден од најопасните светски шверцери на дрога, а „Кланот дел голфо“ брои околу 3.500 луѓе, покажуваат официјалните податоци на колумбиската полиција.
