По маршот кој започна пред Владата на Р.Македонија и заврши во општина Карпош, од општината денес излегоа со официјални податоци за квалитетот на амбиенталниот воздух во општината, на кои се гледа дека во Карош не постои никаква отстапка од референтните вредности. Со ова, паѓа во вода и вчерашниот протест, кој наместо да се упати кон министерството за екологија со барање за расчистување на депониите во Тетово, Куманово, Струга и спроведување на мерки за подобрување на квалитетот на возудхот, случајно или не се упатија во една од најчистите општини во Скопје и тоа во пресрет на локалните избори
Според официјалните податоци на Министерството за животна средина и просторно планирање кои излегоа со релевантни извештаи од месечните мерења од повеќе мерни станици за квалитет на воздух, утврдено е дека нема отстапки од референтните вредности на загадување. За таа цел, функционира и мерната станица во Општина Карпош, поставена во основното училиште Петар Поп Арсов.
Графичкиот и табеларен приказ на ПМ 10 честички и други хемиски супстанци во воздухот можат да се следат на нивната веб страна:
Со тоа се покажуваат еколошките параметри за загаденоста на воздухот на ниво на град Скопје и на цела територија на Карпош. Локалната самоуправа на својата официјална веб страна редовно ќе ги ажурира сите известувања од Министерството за животна средина и просторно планирање, кои се однесуваат на мерењата за квалитетот на воздухот во Општина Карпош.
