Тоа што го мисли го кажува без влакно на јазикот. Кога е Борко Ристовски во прашање, нема неодговорено прашање и цензура. Сигурен меѓу стативите, директен во одговорите.
Некои го обожуваат, некои не го сакаат, но успехот никој не може да му го оспори, вака македонските медиуми го опишуваат македонскиот репрезентативен голман Ристовски, кој мистичен и резервиран е само кога станува збор за приватноста која ја чува како змија нозете.
Деновиве Борко се појави на една свадбена свеченост и тоа во женско друштво, односно заедно со атрактивна и шармантна девојка со која ни повеќе ни помалку имаат исто презиме, а не ретко таа го бодри и на трибините.
Фотографијата осамна на профилот на убавата Николина, која неодамна го прослави својот 25-ти роденден, а на роденденската фотографија на својот Фејсбук, таа го покри лицето на момчето до неа со розово срценце, но она што може да се забележи е дека мистериозниот лик има иста тетоважа на левата рака, како и Борко.
Сепак, нивниот љубовен статус, барем на социјалните мрежи не е конкретизиран, а пак познатиот ракометар вешто ја крие приватноста за себе. Според досега приложеното, можеме само да нагодуваме за вистината, која доколку е силна како што изгледа, веруваме ќе ја дознаат сите.
