Италијанецот Пјерлуиџи Колина е прогласен од страна на „Франс фудбал“ за најдобар судија на сите времиња.
За него ова е најголемото признание, претходно од страна на Институтот за фудбалска историја и статистика (IFFHS) беше избран за најдобар судија на светот од 1998 до 2005 година, а влезе и во Куќата на славните на италијанскиот фудбал во 2011 година.
– Кога се судиите во прашање, првото име кое ни доаѓа паѓа на памет е неговото. Од дебито во 1977 до последниот меч во 2005 година, Колина испиша историја – пишува „Франс фудбал“.
Колина во својата професионална кариера судеше на 240 натпревари во Серија А. Делеше правда и на 109 меѓународни мечеви, како и финалето на Светското првенство во 2002 година помеѓу Бразил и Германија.
Последниот натпревар во кариерата на кој судеше беше оној помеѓу репрезентациите на Португалија и Словачка.
