На „Гумење“ во Крушево во тек е поставувањето на куќарки-сувенирници во рамки на Проектот за развој на авантуристичкиот туризам.
Како што информираат од крушевската локална сампоуправа, веднаш до спомен-куќата „Тодор Проески“ ќе бидат поставени пет вакви куќарки кои ќе им бидат достапни на локалните производители за понуда на сувенири на посетителите и туристите.
Според крушевскиот градоначалник Томе Христоски со поставувањето на сувернирниците ќе се уреди овој простор.
– Со куќарките ќе го уредиме просторот и ќе отстапиме место на локалните производители кои секојдневно работат со туристите кои доаѓаат во Крушево. Со ова ја подобруваме услугата спрема туристите, но и ја подобруваме локалната економија, вели Христоски.
Вкупната сума на целосната инвестиција за поставувањето на овие објекти е околу три милиони денари, додека целиот проект е во вредност од 500.000 евра.
Во рамки на проектот „Кругот на адpeналинот – развој на авантуристички туризам“, финансиран од ЕУ и имплементиран од Кацеларијата на вицепремиерот за економски прашања во Владата на Република Северна Македонија, во тек се: реконструкција на спортската сала, обележување на патеки за велосипедизам, изработка на веб-сајт, веб-апликација и видео, спроведување работилници, поставување информативни табли и други содржини.
