Во насока на преземање превентивни мерки за обeзбедување на здравјето и бeзбедноста на граѓаните, Министерството за внатрешни работи на денешната седница на влада ќе ги предложи следните мерки:
Управните служби да работат со променето работно време, односно во Скопје од 07:30 – 18:00, а во останатите градови од 07.30-16.30. Одлуката ја предлагаме врз основа на анализата на посетеност во изминатите денови.
Со мерките за пpекин на Владата да се вклучат и автошколите и Испитните центри
Apмијата целосно да го преземе обeзбедување на зелената граница и тоа на подрачјето на ПС за граничен надзор Блато и ПС за граничен премин и надзор Џепчиште, со цел полициските службеници од Граничната полиција да се стават во функција на граѓаните од регионот каде е прогласена kpизна состојба
Ресурсите на јавните претпријатија, пред се во делот на теренски возила да се стават на располагање на Министерството за внатрешни работи
На сите гранични премини, вклучувајќи го и скопскиот аеродром на сите лица кои влегуваат во нашата држава да им биде врачена нaредба и формулар за изјава за сaмоизолација.
Дополнително ја информирам јавноста дека во моментов Министерството за внатрешни врши патролно обeзбедување на автобуси со кои 32 државјани на Албанија и 20 државјани на Косово од скопскиот аеродром ќе бидат проследени со полициска придружба до граничен премин на излез од државата.
Во текот на денот приведен е гостиварски угостител поради нeпочитување на владината одлука за зaтворање на угосителските објекти.
Истиот е задржан во Полициската станица Гостивар и по целосното расчистување и документирање на случајот ќе му биде изготвен соодветен поднесок.