Портпаролот на владеачката СДСМ, Костадин Костадинов трет пат по ред бегa од дебата на Инфомакс со својот колега, портпаролот на ВМРО-ДПМНЕ, Димче Арсовски. Имајќи во предвид дека прифаќа, за потоа да не одговора на нашите повици, на неговата денешна прес конференција, главниот и одговорен уредник на Инфомакс, Александар Митовски го запраша која е причината за ваквото негово несериозно однесување.
-Едно прашање до вас само надвор од темата. Три пати ве поканив на дебата со портпаролот на ВМРО-ДПМНЕ, Димче Арсовски, три пати ми ветивте ќе дојдете, не ми се јавувавте после тоа. Ви предложив и да ги договориме прашањата и темите и се. Зошто, од каде вашиот cтpaв, запраша главниот и одговорен уредник на Инфомакс, Александар Митовски.
Во нашето прашање Костадинов забележа некаква интенција па одоговори:
-Ок јасна е интенцијата. Во ред јас почитува слободна волја на изразување, добро е вака и јавно што прашувате, но во ситуации кога имам ангажмани како пратеник од општина Струмица, нормално како приоритет без разлика дали со тоа јас ќе добијам или ќе изгубам политички поени, приоритет ќе ми бидат средбите со граѓаните на општина Струмица. Во тој случај од таа причина бев оневозможен да присуствувам на дебатата, вели Костадинов.
