Системот за распределба на судски предмети на судиите попознат скратено како АКМИС беше една од главните теми во медиумите во изминатите неколку месеци. Обвинувањата од страна на провладините медиуми беа во линија со тоа дека некој во минатото манипулирал со системот и со распределбата на предмети по судии.
Но до нашата редакција пристигна снимка снимена токму од АКМИСОТ која не е постара од неколку дена на која се гледа дека системот за распределба на судски предмети има некаков проблем. Според видеото може да се забележи дека нешто не е во ред со системот или пак некој се обидува да го контролира системот за распределба на судски предмети.
Според судски извори проблемите со АКМИСОТ започнале по претресот на СЈО, кога без дозвола на Судскиот совет, претседателот на Кривичниот суд Рибарев им дозволил на обвинителите од СЈО да стават усб-иња на компјутерите на кои е инсталиран АКМИСОТ.
Опозициската ВМРО-ДПМНЕ во повеќе наврати забележуваше дека се врши партиски прогон кон членовите на ВМРО-ДПМНЕ, а судиите кои ги водеа предметите се заменуваат со пожелни судии кои би пресудиле во корист на СЈО дури и при недостаток на докази.
За сето ова време предметот на Заев во кој тој е прво обвинет за земање мито од неколку стотици илјади евра со непобитни видео докази се уште нема судска развршница.
