Огромен е револтот на граѓаните за сквернавењето на сртот на Водно. Граѓански иницијативи, здруженија и активисти опоменуваа и повикуваа за одговорност, но Владата остана глува на барањата правдајќи се дека сите зафати се по закон и прописи. Ако се качите на врвот на Водно и погледнете према Матка, глетката е устшна и депримирачка.
Граѓани на Скопје, од денес планината Водно не е веќе иста. Демолиран е сртот кај Бел Камен, штетата е непроценлива, тоа повеќе не може никако да се санира како што не лажат егзекуторите на Водно. Глетката е тешка и мачна, напиша Сергеј Дамовски на својот Фејсбук профил, споделувајќи фотографии и видеа на кои се гледа дека сечата е стигната до сртот кај Бел Камен.
Инаку, да продолжи изградбата на гасоводот низ Водно беше одлучено на последната владина седница.
