Помина една година на разочарувања, изневерени очекувања и уривање на достоинство. Година пропуштена во нашите животи, година на неработа, создавање на поделби и хаос.
Година на политички терор, апсења, упади, тортура.
Година на економски неуспеси, на создавање трулеж во општеството.
Година на изневерени очекувања и лажни ветувања.
Година во која народот се соочува со вистината дека ветуваа се и сешто, а не исполнија ништо.
Ниту земјоделците имаат повисоки субвенции, ниту докторите повисоки плати, ниту пак пензионерите повисоки пензии.
Здравството ни е руинирано, болниците пропаѓаат, луѓето чекаат по ходници, цената за тоа ја плаќаат со најскапото нешто, а тоа се нивните животи.
Зоран Заев заборави една работа, дека животот нема реприза! И нема втора шанса за времето кое изминува и годините кои се губат.