- Advertisement -
- Advertisement -
Гори Света Гора. Пожарот во кој се загрозени 39 монашки ќелии почнал во шумата кај местото Света Ана утринава, а сѐ уште го гаснат два авиони, два хеликоптери, 11 возила и 39 грчки пожарникари.
Местото кадешто избувнал пожарот најпрвин било недостапно, но и ветровите го отежнале гаснењето.
– Иако во таа област дуваат силни ветрови, се чини дека ситуацијата е подобрена. Беше околу осум наутро кога дознав. Сѐ започна на непознат начин – велат од испосницата на Света Ана, која припаѓа на светиот манастир Велика Лавра.
Пожарот избувна во правец на плажата, а 39 ќелии беа загрозени.
– Авионите постојано летаат, додека противпожарната бригада и крајбрежната стража се на самото место – потврдуваат властите во Грција.
