Тежок земјотрес денеска ја погоди западна Турција. Турските медиуми јавуваат за урнати објекти во Измир.
Американската агенција за геолошки истражувања (УСГС) јави дека земјотресот имал јачина од 7 степени, а неговиот епицентар бил во Егејот, пред Сеферихиса, во турската провинција Измир. Агенцијата Анадолу јави дека земјотресот се случил во 14:51 часот по локално време.
Турските медиуми известуваат дека има повеќе оштетени објекти во Измир, а телевизијата ТРТ прикажа снимки од урната зграда во градот и извести за паника на улиците во текот на потресот. Според досегашните информации, прекинати биле телефонските линии. Гувернерот на Измир во интевју за ТРТ изјави дека досега не може да се дадат точни информации за жртви и штети.
Потресот се почувствувал и во Грција. Особено е погоден островот Самос, каде, според медиумски извештаи, има оштетени објекти.
Breaking: Video shows the moment a building collapsed in Izmir, Turkey, due to the earthquake. pic.twitter.com/eKsDUmIdvn
— PM Breaking News (@PMBreakingNews) October 30, 2020