Рускиот претседател Владимир Путин се сретна во Москва со германската канцеларка Ангела Меркел. Путин на почетокот на разговорот со германската канцеларка во Кремљ изрази уверување дека нејзината посета на Москва нема да биде само проштална, туку и значајна во содржинска смисла.
„Одржуваме постојан контакт по телефон, но има многу прашања за кои треба да се зборува очи во очи. Сигурен сум дека ова нема да биде само ваша проштална посета по која решивте да не се кандидирате за нов мандат, туку и посета исполнета со сериозна работна содржина“, ѝ кажа Путин на гостинката.
Тој истакна дека Германија останува еден од главните економски партнери на Русија во Европа и светот, пренесува ТАСС.
Оцени дека работата на руско-германските билатерални механизми, групи и форуми, како Годината на Германија во Русија, е посветена на економскиот развој.
Како што претходно беше најавено од Кремљ, двајцата лидери ќе разговараат за состојбата и иднината на билатералната соработка во разни сфери како и за бројни актуелни меѓународни и регионални прашања.
Ова е прв средба на Путин и Меркел од почетокот на пандемијата во декември 2019 година.
Putin, Merkel ile olan görüşmesine çiçekle geldi. pic.twitter.com/MuQCn0icqY
— anekdot Haber (@AnekdotHaber) August 20, 2021
