Познатиот пејач Здравко Чолиќ се „вмеша“ во изборите во Бугарија, но со песна.
Има таков народ на Слави Трифонов, која победи на изборите во кампањата ја користеше како неофицијална химна „Мутра збогум“, која инаку е обработка на песната на Чолиќ „Пусти Пусти моду“. „Пусти моду“, меѓу чии автори се и Горан Бреговиќ и Корнелије Коваќ беше многу слушана на неодамнешните избори во Бугарија.
Текстот е поинаков, односно наместо обраќање до девојка која изгледа како „луткица из Трста“, во бугарската верзија се занимава со обвинувања за врски меѓу криминалот и политиката во таа земја, но музиката е целосно иста. Бугарската верзија ја испеале Слави Трифонов и „Ку-ку бенд“, а партијата Има таков народ ја искористи како неофицијална химна пред бугарските избори, јавуваат медиуми.
Мутра буквално изразува негативен став и значи несредена личност со груба глава. Зборот во последно време има и друго значење, кога големи, физички силни и неинтелигентни лица се извршители на нелегални задачи во криминални организации, непријателски расположени и склони на насилство врз обични луѓе. Нивниот начин на облекување варира, но може да биде или претежно свечен – со костум и чевли, или целосно спортски – со тренерки и патики. Тие обично носат темни очила, накит, како прстени и златни ланци. Тие често се со кратки фризури или избричени глави. Мутрата е олицетворение на преовладувачката духовна деградација и ограничување, која честопати се издвојува заедно со хипертрофирана корпуленција, доминантно размислување, присилни активности, кои честопати се исмејуваат со разни игра на зборови меѓу пошироката јавност. По пристапувањето на Бугарија во ЕУ, култната дефиниција за „мутри“ за 90-тите години беше заменета со далеку позвучните „добро облечени бизнисмени“.
Трифонов со неофцијалната предизборна химна се бореше против владеењето на Бојко Борисов.
Видеото можете да го погледнете тука.
