Кинески истражувачи открија фосилен череп кој може да припаѓа на целосно нов вид на човек, што потенцијално може да ги промени ставовите на научниците за тоа како еволуирале нашите видови. Научниот тим тврди дека тоа е нашиот најблизок еволутивен роднина меѓу познатите видови антички луѓе, како што се неандерталците и хомо еректусот.
Истражувачите објавија дека фосилизираниот череп, стар најмалку 146 000 години, лежел скриен во напуштен бунар во Кина 88 години, каде што бил оставен во 1933 година од работник кој го открил на градилиште за време на јапонската окупација, пренесува Би-Би-Си. Пред да умре му се доверил на своето семејство и на крајот черепот падна во рацете на научниците.
Истражувачите го именуваа новиот вид Хомо лонги, кој го доби прекарот „Човек змеј“ по областа околу реката Лонг (Змеј) во североисточна Кина, каде што беше откриен, а неговата анализа беше објавена во три труда во списанието „Иновацијата“.
Еден од водечките британски експерти за човечка еволуција, професорот Кристофер Стрингер, палеоантрополог во Природонаучниот музеј во Лондон и коавтор на две од трите дела за „Човекот Змеј“, кој беше член на овој истражувачки тим верува дека ова е еден од најважните досега откриени фосили од последиот милениум.
„Пронајдовме одамна изгубена алка во еволутивниот синџир“, рече Зион Ни, коавтор на студијата и палеоантрополог во Кинеската академија на науките.
Истражувачите тврдат дека черепот и припаѓал на Хомо лонгија, прилично висок возрасен маж. Тие тврдат дека имал рамни образи и широка уста. Долната вилица недостасува од черепот, но истражувачите, врз основа на горната вилица на Змејот и други фосилизирани човечки черепи, заклучуваат дека тој немал изразена брада. Тие исто така велат дека неговиот мозок бил околу седум проценти поголем од мозокот на денешните луѓе.
Научниците веруваат дека Змејот човек бил со силна физичка сила, но малку се знае за тоа како живеел, бидејќи неговиот череп бил отстранет од местото каде што бил пронајден, што значи дека во моментов нема археолошки контекст, како што се камени алатки или други културни елементи кои му припаѓале.
Многу загатки сè уште остануваат нерешени од оваа фаза на историјата на човештвото, особено во Источна Азија. Во текот на последните неколку децении, палеоантрополозите пронајдоа бројни фосили, кои имаат некои карактеристики кои се блиски до современиот, но и други карактеристики што сугерираат дека тие припаѓаат на друго место.
Постои жестока научна дебата за тоа дали овие остатоци претставуваат примитивни примероци на Хомо сапиенс, Неандерталците, човечка група наречена Денисовци, откриена во Пештерата на Денис во Русија, или дали тие се нешто сосема друго.
Сион Ни верува дека дискусиите на оваа тема ќе продолжат и смета дека е добра затоа што науката напредува токму затоа што научниците не се согласуваат.
