Големиот пожар го стеснува огнениот обрач околу селото Будинарци. Како што можи да се види и од самото видео пожарот претставува вистинска закана за ова село доколку надлежните не интервенираат брзо, односно истиот може да го зафати селото и имотите на мештаните.
Директорот на Центарот за управување со кризи, Стојанче Ангелов, информираше дека огнот, благодарение на ветрот го променил правецот и се оддалечува од селото.
„Пред малку ветрот кој дува со променлива јачина, го смени правецот и сега огнот почна да се одалечува од селото. Покрај локалното население во обезбедувањето на селото учествуваат и пожарникари со цистерни од локалната самоуправа, а во непосредна близина на селото се наоѓаат и 45 австриски пожарникари со девет цистерни, како и дополнителна опрема и луѓе од Национални шуми. Во целиот овој регион се концентрирани уште многу сили, а попладнево дејствуваа и три хелихоптери кои рано наутро ќе продолжат со гаснење на пожарот“, посочи Ангелов.
Тој дададе дека селото е добро обезбедено со тампон зона и соодветна механизација и опрема, соопшти вечерва директорот на Центарот за управување со кризи, Стојанче Ангелов.
