Над четириест луѓе загинаа во соображајна несреќа во Индија, кога автобус се преврте и падна во канал, а во него имало над педесет патници.
Автобусот излетал од патот во Маџа Прадеш, при што седуммина од патниците, вклучувајќи го и возачот се спасени. Спасувачките екипи ги бараат останатите патници, пренесе Би-Би-Си.
Според изјави на сведоци, до несреќата дошло кога возачот изгубил контрола врз возилото по што тоа ја пробило заштитната ограда на мостот и паднало во каналот.
Индискиот премиер Нарендра Моди на Твитер изрази сочувство до семејствата на жртвите и најави дека тие ќе добијат обештетување.
Според полицијата стотици индијци секоја година го губат животот во сообраќајни несреќи, а најмногу поради неприлагодена брзина на условите на патот и несовесно возење.
