Вирозите го наполнија детското одделение во кавадаречката болница

- Advertisement -

Вирозите го наполнија Детското одделение од болницата во Кавадарци, каде во моментов се хоспитализирани 22 деца.

– Задржани се најчесто деца со респираторни заболувања, вирози и бронхопневмонии,  а дечињата кои имаат малку полесна клиничка слика се праќаат дома. Одделението е преполно и нема повеќе слободни места, вели доктор Мирјана Шемова, педијатар.

Зголемувањето на бројката на грипозни го потврди и епидемиологот Ристе Јовановски од Центарот за јавно здравје Кавадарци. За утре, тој најави и поконкретни информации во врска со бројот на заболени од грип оваа сезона.