Авионот кој од Истанбул полета кон Скопје и не можеше да слета на скопскиот аеродром поради силен ветерн, на крајот се упати кон Приштина. Поради лошо време најпрво Боингот 737 кружеше околу Кавадарци, а потоа имаше обид да слета во Скопје, но беше неуспешен по што доби инструкции да лета кон Приштина.
ТВ21 од извори од аеродромот дозна дека причината поради пренасочувањето е силниот ветер. Инаку веќе еден авион бил пренасочен кон аеродромот во Охрид.
Иако се појави информација дека во него беше пејачката Тамара Тодевска со нејзиниот тим кој настапи на синоќешниот Евросонг, сепак, тие информации подоцна беа отфрлени како неточни.
Следете го во живо движењето на авионот од Истанбул кој требаше да слета во Скопје, но на крајот успешно слета во Приштина.
