Во продолжение на вонредната седница, нешто по 17 часот, во косовскиот Парламент четвртпат беше активиран солзавец од страна на пратеникот Ваљон Рамадани од Движењето Самоопределување.
Солзавецот беше активиран откако пратениците се вратија по повеќе од еден час пауза.
Американскиот амбасадор Грег Делави се врати во собраниската сала. Тој претходно ја осуди блокадата на усвојувањето на договорот за демаркација на границата со Црна Гора.
На ова му претходеше апсењето на пет пратеници на Самоопределување, поради активирање солзавец во три наврати денеска.
Косовскиот вицепремиер Енвер Хоџај, изјави дека и покрај се, ова прашање денеска ќе се заокружи.
– Сакам да го повторам ставот на коалицијата дека сме одлучни денеска да ја изгласаме демаркацијата, истакна Хоџај.
Инаку, собранската сала темелно се контрлира од стручни лица, бидејќи и претходно сите надлежни тврдеа дека се е „чисто“ но пратеникот на Самоопределување Рамадани од собраниското столче активира солзавец.
