Дополнителни 71 лице се пријавиле за гласање во сабота за вториот круг од локалните избори за градоначалник на Штип. Доктор специјалист со членовите на ОИК ги разгледале сите апликации за гласање во домашни услови и одлучиле на 50 од нив да им биде дозволено гласањето, а 21 лице биле одбиени.
-Со 88 од претходниот круг и сега 50, значи имаме 138 апликации за болни и немоќни кои ќе гласаат во домашни услови, поради целосната дијагноза или процедуралност на документите кои тие ни ги поднесоа дека имаа потреба да гласаат дома-изјави Сенка Андреева, претседател на ОИК –Штип.
Во меѓувреме до ОИК се поднесени и мал број апликации за изземање на членови од Избирачките одбори, заради здравствени причини, тешки скршеници или поради резервирани авио билети. Овие барања ќе бидат процесуирани до ДИК и според нивните препораки ќе се пристапи или не, кон изземање на членовите.
