Властите во градот Јакутск, еден од најстудените градови во светот, ги пуштија децата да си одат дома во петокот откако температурата достигна минус 48 степени, но децата, наместо да одат дома, отидоа да си играат во снегот.
Видеото, кое стана вирално на Интернет, прикажува деца од Јакутск како играат среќно, без оглед што надвор е минус 48, а во еден од коментарите под видеото на шега се вели дека „мора да стави антифриз во млекото“.
– Потребна е смелост да се издржи оваа клима. Но, само Русите можат да играат на оваа санта мраз – напишал друг корисник на социјалните мрежи, како што објави Дејли Меил.
Во Јакутск училиштата се затвораат на температура од минус 42 до минус 50, во зависност од јачината на ветерот и возраста на децата.
Неколку стотици километри на исток, во најстудениот град во светот, Ојмјакон, помладите ученици од основните училишта мораат да посетуваат настава дури и кога температурата е намалена на минус 52, а постарите до 56.
It was -48C earlier today in Yakutsk which meant that lessons were cancelled, so… Video via Djiikey pic.twitter.com/5wyx8EiauQ
— The Siberian Times (@siberian_times) December 15, 2020