Во последните 24 часа во БиХ се регистрирани 93 нови случаи на коронавирус, пренесоа тамошните медиуми.
Додаваат дека ова е втор најголем дневен број новозаразени. Според информациите, единственио поголем број имало на 29 април, кога во земјата биле пријавени 94 случаи.
Во последните 24 часа тестирани се 543 примероци во Федерацијата БиХ, од кои 33 се позитивни. Регистрирани се нови случаи во Тузла, Унско-санскиот Кантон и Кантонот Сараево.
Во Република Српска, во последните 24 часа биле тестирани 376 лабораториски наоди, а коронавирусот е потврден кај 60 лица.
Членот на Претседателството на Босна и Херцеговина, Жељко Комшиќ, е во изолација затоа што бил во контакт со лице заразено со коронавирусот, а тестирање ќе биде извршено утре, соопштиле од неговата канцеларија.
Комшиќ во петокот беше на неколку настани во Живинице. На нив присуствувал и претседателот на Градскиот совет, Наил Јусиќ, кој подоцна се покажа дека е позитивен за коронавирусот, пренесува „Кликс“.
