Многумина сметаат дека е многу порационално да се остави бојлерот вклучен по цел ден и ноќ, бидејќи не мора да се грее целата вода, туку само да се догрева, а многумина сметаат дека е потребно да се вклучува бојлерот само по потреба.
Одоговор на таа дилeма има сервисер на куќни апарати:
-Апсолутно не е вистина дека за паричникот е подобро бојлерот да е постојано вклучен. Секако, се зависи од бројот на членовите во домаќинството. Така, ако е во прашање самец или брачен пар, најрационално е бојлерот да се вклучува по потреба. Од друга страна, ако е во прашање семејство со голем број членови, за нив најверојатно најзгодно е бојлерот да биде постојано вклучен, бидејќи во секој момент некому ќе му треба топла вода – вели Марко Тодоровиќ, сервисер за бела техника и домашен мајстор, и додава дека намената на бојлерот игра голема улога.
Ако бојлерот е наменет за туширање, тогаш повеќе има смисла да го вклучувате по повремено, а ако станува збор за голем проточен бојлер кој го користите за кујнска намена, тогаш најверојатно ќе го исклучувате многу ретко. Значи, сепак поисплатливо е да се вклучува по потреба, и секако, ако веќе водите сметка за штедењето, гледајте да го вклучувате на евтина тарифа.
