Карпошани со кеси на нозете, буквално пливаат по улиците и паркинзите во општината која до пред неколку месеци важеше за една од најелитните и најубави места за живеење во Скопје
Додека карпошани се снаоѓаат како да го препливаат паркингот за да стигнат до својот автомобил, градоначалникот на општината има „попаметна“ работа, забавувајќи се до раните утрински часови во дискотеки.
Поради запушената атмосферска канализација, која општината ја нема подготвено за сезоната на дождови, водата се задржува на паркинзите и по улиците, а жителите на општината велат дека градоначалникот иако бил запознаен, локалната самоуправа не превземала ништо. 
Според информациите на екс-градоначалникот на Карпош, Стефан Богоев речиси и да не работи ништо во општината, а кога е во кабинетот игра „Плејстејшн“ заедно со неговите другари.
Карпош важи за една од поелитните населби во Скопје, а минатата година согласно анкетите на Центарот за истражување и анализа беше и најпосакувано место за живеење во главниот град.
