Мирослав Грчев е еден од дежурните лајачи на СДСМ, кога треба да се напаѓа и оцрнува ВМРО-ДПМНЕ и Македонија во целост, без било каква причина, онака зошто на СДСМ така му се сака. Тоа најчесто го прави преку опозициското гласило „Слободен печат“ и порталот финансиран од СДСМ, а уредуван од Сорос, Плусинфо.
Мирослав Грчев на јавноста сепaк најмногу и е познат како „гробарот на Дебар маало“, срцето на Скопје. Имено во времето кога Грчев беше градоначалник на Центар, како дел од СДСМ во средината на 90-тите години се појави најголемата градежна урбана мафија што го преполни ДУП-от на централното градско подрачје и создаде невиден градежен хаос во најтесното градско јадро, што донесе големи главоболки на жителите на Центар, а полни џебови на градежните бизнисмени блиски до СДСМ.
Грчев се претставува како архитект и некаков експерт, а позади себе нема ниту едно позначајно архитектонско дело , додека стручната јавност го памети по руглото наречено „Лумикс“ која на скопјани им ја одзеде култната „коцка“ пред зградата на сегашно ЕЛЕМ/ЕВН.
Грчев исто како и другите „експерти“ на СДСМ, предничи и во своите антимакедонски ставови, тој пред 3 години, даваше изјава за буграската телевизија БТВ каде ја напаѓаше Македонија, македонската држава и историја.
Ваквото свое антидржавно и сомнително делување во минатото Грчев го круниса со злоупотреба на службениот печат на Архитектонскиот факултет во Скопје. Имено најмен од Фијат Цановски да изврши вештачење на објектот Космос во 2011 година, Грчев вештачењето го потпишал преку Институтот за урбанизам од Архитектонскиот факултет при тоа искористил штембил и печат од факултетот иако за тоа ниту побарал дозвола ниту го известил тогашниот декан на факултетот, Тихомир Стојков. Целата ситуација била опишана во записник од Просветниот инспекторат од Министерството за образование за извршена инспекција во врска со вештачењето на 15 и 17 август 2011 година.
Тогаш Стојков за медиумите одговори:
-Јас како декан добивам барања и потоа тоа се проследува до Институтот или до поединец што ќе го одредам. Јас такво барање (за стручно мислење од Грчев, н.з.) не сум добил. Не може Институтот да добие барање, а факултетот да не знае и да се употребуваат печати и штембил на актите и да се изнесуваат акти од факултетот. Тоа е направено без знаење на факултетот, односно на деканот.
Медиумите тогаш пишуваа и дека, Просветниот инспекторат констатирал злоупотреба од професорот д-р Мирослав Грчев, затоа што дал толкување на Законот за градење, што е надлежност на законодавецот, но и дека ги злоупотребил печатите и изнесол акти од факултетот без знаење на деканот.
Деканот на Архитектонскиот факултет во тоа време, Тихомир Стојков, на градоначалникот на Гази Баба му пиша и дека вештачењето потпишано од Грчев е неважечко и оти ќе преземе дисциплински мерки за тоа.
Неколку години подоцна Грчев за ваквото свое антидржавно делување и сомнително минато беше награден од страна на СЈО, со тоа што го ставија на листата „експерти“ кои земаат огромни надоместоци на име хонорари, детален извештај кој експерт колку зема на јавноста не и се познати, бидејќи СЈО одби да даде комплетен увид во финансиските извештаи за своето работње. Но имајќи го предвид буџетот на СЈО за 2016 кој изнесуваше фантастични 253,7 милиони денари, односно 4,1 милиони евра, може да се претпостави колкави се надоместоците за ангажираните „експерти“.
