Со задоцнување од еден месец, утре се очекува да почне новата учебна година. Како што беше најавено, најголем дел од училиштата наставата треба да се изведува онлајн, преку националната платформа за учење од далечина. Но, на ден пред почетокот на учебната година наместо на националната платформа, наставниците и професорите се обучуваат за алтернативни алатки на одржување на наставата.
Според националните обучувачи, онлајн наставата ќе се одржи, но не преку националната платформа за учење од далечина, туку преку Мајкрософт тимс.
Проблемите со националната платформа се очекува да се решат до крајот на следната недела.
Наставниците и директорите велат дека пpоблeм е што многу се доцнело со подготовките на платформата. Ирена Попова, советник во Советот на Град Скопје од ВМРО-ДПМНЕ и наставник во ОУ Кочо Рацин Скопје, за дневникот на ТВ Сител вели дека според последните информации кои што ги добила учебната година ќе започне преку Мајктософт тимс, а не според Националната платформа. Како што рече Попова, според ова ќе им бидат потребни 40тина минути на секој наставник да ги вклучи учениците да ја следат настават преку онлајн.
Професорите од ФИНКИ кои беа дел изработката на националната платформа велат дека истата може да го издржи целиот притисок од страна на корисниците, односно наставниците и учениците, но додаваат дека треба да се дофинализира платформата за да биде целосно функционална.
