Македонски навигации потврдија дека авион на „Туркиш ерлајнс“ одлучил да се врати во Истанбул откако не можел да слета во Скопје. За тоа зошто пилотот наместо на скопскиот не се одлучил за охридскиот аеродром, од таму велат дека тоа е независна одлука на авиокомпанијата.
-Авионот се врати во Истанбул, а одлуката е во надлежност на самата авиокомпанија. М-НАВ може да каже дека професионално го опслужуваше пилотот со информации, велат од М-НАВ.
Од таму демантираат дека авионот неколку часа кружел над Скопје со пет неусоешни обиди за слетување, откако ова на драматичен начин беше пренесено од одредени медиуми според сведочењата на патниците.
М-НАВ вели дека причина за ваквата одлука на пилотот биле лошите временски услови и специфичниот тип на облаци.
