ДНК материјалите од семејствата утре ќе се предадат на бугарското обвинитeлство

- Advertisement -

Бугарските надлежни служби утре ќе ги преземат ДНК материјалите од семејствата на загинатите патници во несреќата во Бугарија, извести Јавното обвинителство.

Бисер Јорданов Михајлов, заменик окружен јавен обвинител на Окружното јавно обвинителство Перник и Младен Христов Петров, истражител во Националната истражна служба на Република Бугарија од Јавниот обвинител на Република Македонија Љубомир Јовески ќе ги преземат материјалите поврзани со истрагата и со идентификацијата на жртвите во тешката автобуска несреќа во Република Бугарија. Настанот ќе се одржи во 11 часот, во просториите на Јавното обвинителство на Република Македонија, се вели во писменото соопштение испратено, доцна вечерва до медиумите.