26-годишната девојка која рано изутринава сведочеше на бесот и нејзиниот татко кој заврши со убиство на нејзината мајка и самоубиство на 53 годишниот кочанчанец, ќе биде задржана на психијатриско лекување
Во Полициската станица Кочани утринава во 3:10 часот се јавилa женa и пријавилa дека во куќа на ул. „9-ти Мај“ во Кочани таткото ги тепал сопругата и ќерката.
-Полициски службеници излегле на местото на настанот, при што на покривот од куќата го затекнале Б.А.(54) од Кочани. Непосредно по доаѓањето на полициските службеници, Б.А. скокнал од покривот и починал. Во куќата во неконтактибилна состојба биле затекнати Л.А. (44), сопруга на Б.А., и неговата ќерка И.А., стои во известувањето од полицијата.
Сведок на насилството биле децата на брачниот пар, 26 годишната ќерка и 13 годишното момче кое веднаш побегнало и се засолнило кај соседи.
Ќерката, по безуспешен обид да го спречи својот татко во кој и самата претрпела повреди, го пријавила случајот во полиција. Во тој момент, таткото се искачил на покривот од семејната куќа и од висина од околу 6 метри скокнал при што починал на лице место.
