Не запираат нападите на провладината пропаганда врз францускиот претседател Емануел Макрон, но и врз француската држава и францускиот амбасадор во Македонија, Кристијан Тимоние откако вчера порача дека нашата држава сепак не е светол пример во регионот како и дека се потребни реформи во Европската Унија. Да потсетиме дека македонската Влада доживеа дебакл во Брисел, додека дома ветуваше дека блескаме и бидејќи сме го промениле името ќе добиеме датум за преговори со Европската Унија. Сепак ова не се случи, а Тимоние истакна дека власта многу високо ги поткревала очекувањата на граѓаните, а одамна знаеле дека датум нема да има.
Она што е уште пострашно е тоа што европскиот комесар за проширување и добрососедство еден од клучните покровители на Договорот од преспа, Јоханес Хан вчера кажа дека Македонија би можела и 30 години да преговара со Европската Унија за членство. Макрон пак предлага партнерство односно нашата држава никогаш да не стане дел од Унијата туку да има привилигерано партнерство со неа. По ваквиот развој на настаните, најгласните поддржувачи на Заев, неговите како што вели Мицкоски „обожаватели“ и пропагандисти со жестоки критики до Тимоние и Макрон. Кадарот на СДСМ Ѓорѓи Спасов побара Тимоние да си замине од Македонија и го обвини дека е руски човек, Саше Политико го обвини Тимоние дека е српски, руски и кинески човек, а последна која се приклуучи на навредите е дописничката за МИА од Брисел, Тања Милевска која е внука на новинарот Борјан Јовановски. Таа го обвини на Твитер дека Макрон е човек на Путин, но и дрзок и безобразен.
Time to revisit this piece from a month ago https://t.co/t0iwhXN82p
— Tanja M (@MilevskaTanja) October 25, 2019
"Ti mene ke mi se obrakjas so Gospodine pretsedatele", a deteto najprijatelski mu se obrati. Posle padna u depresija maliot.
— Tanja M (@MilevskaTanja) October 25, 2019
