Поранешниот министер за финансии, Џевдет Хајредини, во емисјата „24 анализа“ истакна дека раководството на ДУИ бара гаранција од Зоран Заев, никогаш да не одговораат за сторените криминали. Тој посочи дека ДУИ има обезбедено свој судија за да суди во полза на осмоничените од раководството на ДУИ.
-Кај ДУИ раководството им е да се спасат од одговорноста за криминалот и корупцијата која сега за сега лебди. Заев мора да е таков за да не покрене такви работи. Тие сега бараат гаранција не само сега, и кога ќе се реши името да ни обезбедиш ние никогаш да не одговораме. А тие обезебдиле судии во Граѓанскиот суд. Судии на ДУИ таму пресудуваат во полза на раководството на ДУИ рече Хајредини.
Хајредини рече дека предметите се одземаат од судиите на кои им се доделени и им се даваат на еден судија кој пресудува во полза на ДУИ.
Зоран Заев oдговарајќи на прашањето има ли некој фунционер, односно предмет со кој што ќе се занимава СЈО за функционери од ДУИ, во декември 2015 година, во интервју за ТВ „Шења“, кое патем го водеше сега неговиот сопартиец Мухамед Зекири, претседателот на СДС вели:
– Да, Да. Поднесени се и кривични пријави. Мислам дека поднесени се кривични пријави за Бујар Османи, за Муса Џафери. Поднесени се кривични пријави за некои политичари во делот на тетовската индустриска зона. Тоа моите адвокати подобро го знаат. Поднесени се, но не е толку важно што ние сме поднеле кривични пријави, СЈО со примањето на материјалите ќе види што тоа има криминал и во другите случаеви – изјави тогаш Заев.
